Аргентина терма жамоаси ҳужумчиси Лионель Месси индивидуал дастур устида ишлашда давом этмоқда.
Marca нашрининг хабарига кўра, футболчи терма жамоа машғулотларига охирги бўлиб келган, бироқ жамоадошлари билан умумий гуруҳда шуғулланмаган.
Эслатиб ўтамиз, Месси ҳам кечаги машғулотларни ҳам ўтказиб юборганди. Аргентиналик мураббий буни Бирлашган Араб Амирликларига қарши ўртоқлик ўйинида иштирок этган бир қатор футболчиларга тикланиш учун кўпроқ вақт бериш билан изоҳлади.
Аргентина ЖЧни Саудия Арабистонига қарши ўйин билан бошлайди, учрашув 22 ноябрь куни Тошкент вақти билан соат 15:00да бўлиб ўтади. Бундан ташқари, “С” гуруҳида Мексика ва Польша терма жамоалари ўйнайди.
