PRO-Liga 28-tur «Zomin» — «Sho‘rtan» 1:3 uchrashuvidan so‘ng jamoamiz bosh murabbiyi Asror Aliqulov o‘yin haqida o‘z fikrlarini bildirib o‘tdi.

- O‘yin keskin kurashlarga boy bo‘ldi. Uchrashuvni yaxshi boshladik. Uchrashuvda uchta gol kiritgan bo‘lsakda, lekin undan ko‘proq golli vaziyatlar yaratdik. Bugun raqib, «Zomin» jamoasi ham yaxshi harakat qildi. Bugungi g‘alaba bilan barcha muxlislarimizni tabriklayman. Mavsumni g‘alaba bilan yakunlaganimiz ajoyib bo‘ldi.

- Joriy mavsum qiziq ruhda kechda va kutilmagan natijalarga boy bo‘ldi. Biz yuqori beshlikka kirishga harakat qilgandik. Afsuski, yuqori beshlikda biz o‘zimizga o‘rin yarata olmadik. Barchasiga o‘zimiz aybdormiz. Chunki kerakli paytlarda sustkashlikka yo‘l qo‘ydik. Superligaga chiqqan «Andijon» jamoasini ham tabriklayman. Superligaga «Buxoro» yoki «To‘ron» jamoalaridan qaysi biri chiqsa ham, Superligaga foydali bo‘lsin, chempionatimiz kuchaysin. Qachonki, Superliga kuchaysa, PRO-Liganing ham saviyasi oshadi." - dedi Alikulov.