Belgiya terma jamoasi hujumchisi Romelu Lukaku Qatarda bo‘lib o‘tadigan JCH-2022ning dastlabki ikki o‘yinini o‘tkazib yuboradi, deb xabar beradi RMC Sport.
Nashrning xabariga ko‘ra, hujumchi tizzasidan olgan jarohatidan hozirgacha tiklanishda davom etmoqda. Murabbiylar shtabi Lukaku 1 dekabr kuni Xorvatiyaga qarshi o‘yinda tiklanishiga umid qilmoqda.
29 yoshli belgiyalik futbolchi joriy mavsumda “Inter” safida barcha turnirlar doirasida 5 ta o‘yinda maydonga tushib, 2 ta gol urdi va bitta golli uzatmani amalga oshirdi.
