Madridning “Real” klubi va Ispaniya terma jamoasi hujumchisi Marko Asensio 2022 yilda Qatarda bo‘lib o‘tadigan jahon chempionatida milliy terma jamoaning bir qismi bo‘lish haqidagi his-tuyg‘ulari bilan o‘rtoqlashdi.
"Bu yerda ekanligimdan juda xursandman. Bu men uzoq vaqtdan beri harakat qilib kelayotgan maqsad va bu yerda bo‘lish men uchun katta baxt. Men klub darajasida ko‘p ishlaganman. Luis Enrike menga imkoniyat berdi, men undan unumli foydalandim, endi esa xursandman va turnir boshlanishini intiqlik bilan kutyapman", — deya Asensio so‘zlarini keltiradi Marca.
Joriy mavsumda Asensio “Real” safida 15 ta o‘yinda maydonga tushib, 3 ta gol urdi va 3 ta golli uzatmani amalga oshirdi.
