"Chelsi" darvozaboni Eduard Mendi faoliyatini "Tottenxem"da davom ettirishi mumkin, deya xabar beradi 90min.
Nashrning yozishicha, “shporlar” fransiyalik darvozabon Ugo Lyoris o‘rniga 30 yoshli senegallik futbolchini transfer qilish imkoniyatini ko‘rib chiqmoqda.
Mendi «Chelsi»ga 2020-yil sentyabrida kelib qo‘shilgan edi. Darvozabonning londonliklar bilan amaldagi shartnomasi 2025 yilning yoziga qadar tuzilgan. Transfermarkt portaliga ko‘ra, darvozabonning narxi 25 million yevroni tashkil qiladi.
Senegallik futbolchi joriy mavsumda “Chelsi” safida APLda 9 ta o‘yinda maydonga tushib, 12 ta gol o‘tkazib yuborgan.