"Челси" дарвозабони Эдуард Менди фаолиятини "Тоттенхэм"да давом эттириши мумкин, дея хабар беради 90min.
Нашрнинг ёзишича, “шпорлар” франциялик дарвозабон Уго Льорис ўрнига 30 ёшли сенегаллик футболчини трансфер қилиш имкониятини кўриб чиқмоқда.
Менди «Челси»га 2020-йил сентябрида келиб қўшилган эди. Дарвозабоннинг лондонликлар билан амалдаги шартномаси 2025 йилнинг ёзига қадар тузилган. Transfermarkt порталига кўра, дарвозабоннинг нархи 25 миллион еврони ташкил қилади.
Сенегаллик футболчи жорий мавсумда “Челси” сафида АПЛда 9 та ўйинда майдонга тушиб, 12 та гол ўтказиб юборган.