«Челси» ҳужумчиси Жоао Педронинг номи тобора тез-тез «Барселона» билан боғланмоқда. Каталония клуби раҳбарияти Хулиан Альваресни «Атлетико»дан сотиб олиш унинг ниҳоятда юқори нархи туфайли деярли имконсиз эканини тушуниб турибди.
Transfer News Live нашрининг Marcaга таяниб хабар беришича, энди «кўк-анорранглилар»нинг асосий нишони Жоао Педро бўлиб турибди. Клуб мутасаддилари уни шартномаси якунлангач, эркин агент сифатида жамоадан кетадиган Роберт Левандовскининг ўринбосари сифатида кўришмоқда.
Педронинг трансфери ҳам арзонга тушмайди: бразилиялик футболчи «Челси» сафига атиги ўтган ёзда келиб қўшилган ва «кўклар» билан 2033 йилгача мўлжалланган шартнома имзолаган. Унинг бозор қиймати Transfermarkt портали томонидан 75 миллион еврога баҳоланмоқда.













