«Ливерпуль» ҳужумчиси Муҳаммад Салоҳ ўз келажаги ҳақида гапирди. Мисрлик футболчи мавсум якунида эркин агент сифатида «қизиллар» сафини тарк этади. 33 ёшли ўйинчи ёзда қаерга йўл олиши борасида ҳали бир қарорга келмаганини тан олди.
«Тўғрисини айтсам, ҳали қарор қабул қилмадим. Менда вариантлар кўп ва уларнинг ҳаммаси яхши вариантлар. Ҳозирги энг муҳим нарса — жисмоний ҳолатим аъло даражада. Мен кўп йиллар давомида тинмай меҳнат қилдим ва ҳозир бу ҳаракатларим ўз мевасини бераётганини ҳис қиляпман. Кўрамиз, олдинда мени нималар кутяпти», — дея инглиз ОАВлари Салоҳнинг интервьюсидан иқтибос келтирмоқда.
Ҳужумчи 2017 йилдан бери «Ливерпуль» шарафини ҳимоя қилиб келмоқда. Жорий мавсумда у 39 та ўйинда майдонга тушиб, 12 та гол ва 9 та голли узатмани ўз ҳисобига ёздириб қўйди.
