"Leypsig" yarim himoyachisi Konrad Laymer "Chelsi"ning taklifini rad etdi. Bild nashrining yozishicha, "ko‘klar" avstriyalik futbolchini kelasi yozda erkin agent sifatida qo‘lga kiritishni xohlashgan, biroq yarim himoyachi endi qat’iy rad javobini bergan.
Bunga sabab futbolchi o‘zining sobiq ustozi Yulian Nagelsmann murabbiylik qilayotgan "Bavariya"da o‘ynashni xohlaydi. Eslatib o‘tamiz, Bundesliga yetakchilari yozgi transfer oynasidayoq yarim himoyachini qo‘lga kiritishga urinib ko‘rishgan, ammo keyin "Leypsig" ortiqcha tovon puli so‘ragan.
Taxminlarga ko‘ra, Laymer "buqalar" bilan shartnomasini uzaytirmaydi va kelasi yozda "Bavariya"ga tekinga o‘tadi.
