"Лейпциг" ярим ҳимоячиси Конрад Лаймер "Челси"нинг таклифини рад этди. Bild нашрининг ёзишича, "кўклар" австриялик футболчини келаси ёзда эркин агент сифатида қўлга киритишни хоҳлашган, бироқ ярим ҳимоячи энди қатъий рад жавобини берган.
Бунга сабаб футболчи ўзининг собиқ устози Юлиан Нагельсманн мураббийлик қилаётган "Бавария"да ўйнашни хоҳлайди. Эслатиб ўтамиз, Бундеслига етакчилари ёзги трансфер ойнасидаёқ ярим ҳимоячини қўлга киритишга уриниб кўришган, аммо кейин "Лейпциг" ортиқча товон пули сўраган.
Тахминларга кўра, Лаймер "буқалар" билан шартномасини узайтирмайди ва келаси ёзда "Бавария"га текинга ўтади.
