Daniya terma jamoasi markaziy himoyachisi Andreas Kristensen fransiyalik hujumchi Olive Jiruni maqtadi.
26 noyabr kuni daniyaliklar jahon chempionati guruh bosqichi 2-turi doirasidagi o‘yinda fransuzlarga qarshi maydonga tushishadi.
“Mening fikrimcha, Olivye Jiru dunyoning eng yaxshi hujumchilaridan biri. U juda kuchli va to‘pni juda yaxshi qabul qiladi. Uning birinchi teginishi men futbolda ko‘rgan eng yaxshilaridan biridir. Ha, u unchalik tez emas, lekin u jismoniy kuchi va ikkinchi qavatda harakat qilish qobiliyati tufayli jarima maydonchasida o‘ta xavflidir”, - dedi Kristensen matbuot anjumanida.
Andreas Kristensen va Olivye Jiru “Chelsi”da birga o‘ynashgan. Daniyalik hozirda "Barselona"ga, fransiyalik esa "Milan"ga tegishli.
