Дания терма жамоаси марказий ҳимоячиси Андреас Кристенсен франциялик ҳужумчи Оливе Жируни мақтади.

26 ноябрь куни данияликлар жаҳон чемпионати гуруҳ босқичи 2-тури доирасидаги ўйинда французларга қарши майдонга тушишади.

“Менинг фикримча, Оливье Жиру дунёнинг энг яхши ҳужумчиларидан бири. У жуда кучли ва тўпни жуда яхши қабул қилади. Унинг биринчи тегиниши мен футболда кўрган энг яхшиларидан биридир. Ҳа, у унчалик тез эмас, лекин у жисмоний кучи ва иккинчи қаватда ҳаракат қилиш қобилияти туфайли жарима майдончасида ўта хавфлидир”, - деди Кристенсен матбуот анжуманида.

Андреас Кристенсен ва Оливье Жиру “Челси”да бирга ўйнашган. Даниялик ҳозирда "Барселона"га, франциялик эса "Милан"га тегишли.