Argentina terma jamoasi jahon chempionatining ilk uchrashuvida Saudiya Arabistoniga 1:2 hisobida imkoniyatni boy berib, o‘z muxlislarini hayron qoldirgandi.
«Albiseleste» darvozaboni Emiliano Martines o‘sha o‘yindan so‘ng psixolog bilan maslahatlashgan. Bu haqda u Meksika ustidan 2:0 hisobida zafar quchganidan keyin gapirdi.
“Men shu kunlarda juda ko‘p azob chekdim. Psixolog bilan gaplashdim, chunki o‘sha uchrashuvda ikkita zarbadan keyin ikkita gol o‘tkazib yubordim.
Ortimda 45 million argentinalik bor edi va men ularga ko‘proq borimni berishga majbur edim", - deydi Martines.
Argentinaning jahon chempionatidagi navbatdagi o‘yini 30 noyabr kuni Polshaga qarshi o‘tkaziladi.
