Аргентина терма жамоаси жаҳон чемпионатининг илк учрашувида Саудия Арабистонига 1:2 ҳисобида имкониятни бой бериб, ўз мухлисларини ҳайрон қолдирганди.
«Албиселесте» дарвозабони Эмилиано Мартинес ўша ўйиндан сўнг психолог билан маслаҳатлашган. Бу ҳақда у Мексика устидан 2:0 ҳисобида зафар қучганидан кейин гапирди.
“Мен шу кунларда жуда кўп азоб чекдим. Психолог билан гаплашдим, чунки ўша учрашувда иккита зарбадан кейин иккита гол ўтказиб юбордим.
Ортимда 45 миллион аргентиналик бор эди ва мен уларга кўпроқ боримни беришга мажбур эдим", - дейди Мартинес.
Аргентинанинг жаҳон чемпионатидаги навбатдаги ўйини 30 ноябрь куни Польшага қарши ўтказилади.
