Ispaniya terma jamoasining o‘ng qanot himoyachisi Dani Karvaxal Germaniyaga qarshi o‘yin (1:1) haqida gapirdi.
Ispaniyaliklar 62-daqiqada oldinga chiqib olishdi, ammo 83-daqiqada o‘tkazib yuborilgan gol evaziga g‘alabani saqlab qola olmadi.
«Biz bu yerga g‘alaba uchun kelgandik, afsuski, buni uddalay olmadik. O‘ylaymanki, tarkib borasida biz oltin medalga da’vogar kuchli raqibga qarshi yaxshi o‘yin o‘tkazdik.
Himoyada yo‘l qo‘yilgan xatolarni tuzatishimiz kerak. Yakunda biz ehtiyotkorroq o‘ynashimiz kerak edi, qayerdadir sabrimiz yetmadi.
Endi barcha fikrlar Yaponiya terma jamoasi haqida: agar g‘alaba qozonsak, guruhda birinchi o‘rinni egallaymiz», deydi «Real» klubi vakili o‘yindan keyingi intervyusida.
