Испания терма жамоасининг ўнг қанот ҳимоячиси Дани Карвахаль Германияга қарши ўйин (1:1) ҳақида гапирди.
Испанияликлар 62-дақиқада олдинга чиқиб олишди, аммо 83-дақиқада ўтказиб юборилган гол эвазига ғалабани сақлаб қола олмади.
«Биз бу ерга ғалаба учун келгандик, афсуски, буни уддалай олмадик. Ўйлайманки, таркиб борасида биз олтин медалга даъвогар кучли рақибга қарши яхши ўйин ўтказдик.
Ҳимояда йўл қўйилган хатоларни тузатишимиз керак. Якунда биз эҳтиёткорроқ ўйнашимиз керак эди, қаердадир сабримиз етмади.
Энди барча фикрлар Япония терма жамоаси ҳақида: агар ғалаба қозонсак, гуруҳда биринчи ўринни эгаллаймиз», дейди «Реал» клуби вакили ўйиндан кейинги интервьюсида.
