Fransiya terma jamoasi hujumchisi Olivye Jiru jahon chempionatining pley-off bosqichidagi ehtimoliy raqiblari haqida o‘z fikrlari bilan o‘rtoqlashdi.
Fransuzlar muddatidan avval Daniyani mag‘lub etib (2:0) 1/8 finalga yo‘llanmani kafolatlashdi, biroq ularning pley-offning birinchi bosqichidagi raqibi kubok uchun yana bir da’vogar - Argentina terma jamoasi bo‘lishi mumkin.
«Agar biz jahon chempionatida g‘alaba qozonishni istasak, har kim bilan to‘qnash kelishga tayyor bo‘lishimiz kerak, ammo 1/8 finalda Argentina bilan to‘qnash kelishdan qochganimiz ma’qul», - deya Olivye Jiruning so‘zlarini keltiradi Telefoot.
Argentinaliklar va fransuzlar 2018 yilda o‘tgan JCHda 1/8 final bosqichida to‘qnash kelishgan - o‘shanda «uch ranglilar» 4:3 hisobida g‘alaba qozongan va yakunda kubok sohibiga aylanishgandi.
