Франция терма жамоаси ҳужумчиси Оливье Жиру жаҳон чемпионатининг плей-офф босқичидаги эҳтимолий рақиблари ҳақида ўз фикрлари билан ўртоқлашди.

Французлар муддатидан аввал Данияни мағлуб этиб (2:0) 1/8 финалга йўлланмани кафолатлашди, бироқ уларнинг плей-оффнинг биринчи босқичидаги рақиби кубок учун яна бир даъвогар - Аргентина терма жамоаси бўлиши мумкин.

«Агар биз жаҳон чемпионатида ғалаба қозонишни истасак, ҳар ким билан тўқнаш келишга тайёр бўлишимиз керак, аммо 1/8 финалда Аргентина билан тўқнаш келишдан қочганимиз маъқул», - дея Оливье Жирунинг сўзларини келтиради Telefoot.

Аргентиналиклар ва французлар 2018 йилда ўтган ЖЧда 1/8 финал босқичида тўқнаш келишган - ўшанда «уч ранглилар» 4:3 ҳисобида ғалаба қозонган ва якунда кубок соҳибига айланишганди.