"Vest Xem" yarim himoyachisi Deklan Rays yozda jamoani tark etishga qaror qildi, deya xabar beradi jurnalist Mett Lou.
Avvalroq, 23 yoshli futbolchini "Liverpul" va "Manchester Yunayted" sotib olmoqchi ekanligi haqida xabarlar tarqalgan edi.
Raysning "Vest Xem" bilan shartnomasi 2024 yilgacha mo‘ljallangan va u bir necha bor shartnomani uzaytirishdan bosh tortgan. Transfermarkt portali futbolchining narxini 80 million yevroga baholamoqda.
Deklan Rays "Vest Xem" tarbiyalanuvchisi. Shu bilan birga, u "Chelsi" yoshlar jamoasidan "bolg‘achilar"ga o‘tgan.