Bugun, 30 noyabr kuni JCH-2022da "C" va "D" guruhlarida hal qiluvchi o‘yinlar bo‘lib o‘tadi. Lionel Messi boshchiligidagi Argentina turnirni muddatidan avval tark etishi mumkin, amaldagi jahon chempionlari esa xotirjamlik bilan pley-offga tayyorlanadi. Guruhlardagi vaziyatga to‘xtalib o‘tamiz.
"C" guruhi
Polsha: Robert Levandovski va jamoasi Argentinaga yutqazmasa, 1/8 finalga chiqadi. Mag‘lubiyatga uchragan taqdirda, variantlarni ko‘rib chiqish mumkin. Agar Polsha Argentinaga bitta to‘p farqi bilan yutqazsa, Saudiya Arabistoni Meksika ustidan g‘alaba qozonsa, albatta turnirni tark etadi. Agar bir vaqtning o‘zida Saudiya Arabistoni g‘alaba qozona olmasa, to‘plar farqini hisoblash kerak bo‘ladi.
Argentina: Janubiy amerikaliklar Polshani mag‘lub etishsa guruhdan chiqishadi va mag‘lub bo‘lishsa turnirni tark etishadi. Argentina polyaklar bilan durang o‘ynasa, parallel o‘yinda durang qayd etilgan taqdirdagina oldinga chiqadi, Saudiya Arabistoni Meksika ustidan g‘alaba qozonsa, ular turnirni tark etishadi. Agar Meksika g‘alaba qozonsa, to‘plar farqini hisobga olish kerak bo‘ladi.
Saudiya Arabistoni: Meksika ustidan qozonilgan g‘alaba osiyoliklarga pley-offga chiqishni kafolatlaydi, mag‘lubiyat esa turnirdan tushib ketishga olib keladi. Agar Polsha Argentinani mag‘lub etsa, durang saudiyaliklarni 1/8 finalga olib chiqadi. Polyaklar esa g‘alaba qozona olmasa, to‘plar farqini hisoblash kerak bo‘ladi.
Meksika: Jamoani faqat Saudiya Arabistoni ustidan qozonilgan g‘alaba qoniqtiradi. Polsha Argentina ustidan g‘alaba qozongan taqdirdagina meksikaliklar uchun to‘plar farqi muhim bo‘lmaydi, u holda ular ikkinchi o‘rinni egallaydi. Agar polyaklar bu jarayonda argentinaliklarni mag‘lub eta olmasa, Meksika taqdirini to‘plar farqi hal qiladi.
"D" guruhi
Fransiya: Didye Desham jamoasi pley-off bosqichiga tayyorgarlik ko‘rmoqda. U guruhda deyarli birinchi o‘rinni egallaydi, lekin, masalan, Tunisga 0:1 hisobida yutqazsa, Avstraliya esa Daniyani 5:0 yoki undan yuqoriroq hisobda mag‘lub etsa, ikkinchi bo‘lishi ham mumkin.
Avstraliya: Futbolchilar Daniyani mag‘lub etishsa, 1/8 finalga yo‘l oladi va mag‘lub bo‘lsa musobaqadan chiqib ketadi. Agar durang qayd etilsa, Tunis Fransiya ustidan g‘alaba qozongan taqdirdagina Avstraliya kurashni to‘xtatadi.
Daniya: Skandinaviyaliklar Avstraliyani, Tunis esa Fransiyani yirikroq hisobda mag‘lub etmasa, pley-offga yo‘llanma oladi. Daniyaliklar uchun durang yoki mag‘lubiyat ularning turnirdan chetlatilganini anglatadi.
Tunis: Shimoliy Afrika jamoasi uchun eng qiyin vaziyat. Tunis nafaqat Fransiyani mag‘lub etishi kerak,, balki Avstraliya Daniyaga qarshi g‘alaba qozonmasligiga umid qilishi kerak, shunda gollar farqini hisoblash mantiqan to‘g‘ri bo‘ladi.
30 noyabr kuni bo‘lib o‘tadigan Jahon chempionati o‘yinlari taqvimi
Uchrashuvlarning barchasi Toshkent vaqti bo‘yicha ko‘rsatilgan.
20:00. Tunis - Fransiya.
20:00. Avstraliya - Daniya.
00:00. Polsha - Argentina.
00:00. Saudiya Arabistoni - Meksika.
