Jahon chempionatining "D" guruhida so‘nggi tur bahslari o‘tkazildi. Daniya terma jamoasi, kutilmaganda, mazkur guruhda oxirgi o‘rinni egalladi. Daniyaliklar 3-turda Avstraliyaga imkoniyatni boy berishdi.

O‘yin taqdirini yagona gol hal qildi. Bahsning 60-daqiqasida Metyu Lekki tomonidan urilgan gol "kengurular"ga g‘alaba va keyingi bosqich yo‘llanmasini taqdim etdi.

Avstraliya ushbu g‘alabadan so‘ng o‘z ochkolarini 6taga yetkazdi. Fransiya esa bugun Daniyaga yutqazib qo‘ygach, ularning ham ochkosi 6 ballni tashkil etdi. To‘plar farqidagi ijobiy ko‘rsatkich tufayli yevropaliklar guruh g‘olibiga aylanishdi.

JCH-2022. "D" guruhi, 3-tur
Avstraliya – Daniya 1:0 (0:0, 1:0)
30 noyabr, 18.00, «Al Janoub Stadium»
Gol: 1:0 – 60 Lekki.
Avstraliya – Rayan, Degenek, Suttar, Roulz, Bexich, Muy, Irvayn, Makgri (Rayt, 74), Lekki (Xrustich, 89), Dyuk (Maklaren, 82), Gudvin (Bakkus, 46).
Daniya – Shmeyxel, Kristensen (Ba, 46), Kristensen, Andersen, Mele (Kornelius, 70), Eriksen, Xeybyerg, Yensen (Damsgor, 59), Lindstrem, Breytueyt (Dolberg, 59), Olsen (Skov, 69).
Ogohlantirishlar: Bexich (4), Degenek (57), Skov (75).