Жаҳон чемпионатининг "D" гуруҳида сўнгги тур баҳслари ўтказилди. Дания терма жамоаси, кутилмаганда, мазкур гуруҳда охирги ўринни эгаллади. Данияликлар 3-турда Австралияга имкониятни бой беришди.

Ўйин тақдирини ягона гол ҳал қилди. Баҳснинг 60-дақиқасида Мэтью Лекки томонидан урилган гол "кенгурулар"га ғалаба ва кейинги босқич йўлланмасини тақдим этди.

Австралия ушбу ғалабадан сўнг ўз очколарини 6тага етказди. Франция эса бугун Данияга ютқазиб қўйгач, уларнинг ҳам очкоси 6 баллни ташкил этди. Тўплар фарқидаги ижобий кўрсаткич туфайли европаликлар гуруҳ ғолибига айланишди.

ЖЧ-2022. "D" гуруҳи, 3-тур
Австралия – Дания 1:0 (0:0, 1:0)
30 ноябрь, 18.00, «Al Janoub Stadium»
Гол: 1:0 – 60 Лекки.
Австралия – Райан, Дегенек, Суттар, Роулз, Бехич, Муй, Ирвайн, Макгри (Райт, 74), Лекки (Хрустич, 89), Дьюк (Макларен, 82), Гудвин (Баккус, 46).
Дания – Шмейхель, Кристенсен (Ба, 46), Кристенсен, Андерсен, Мэле (Корнелиус, 70), Эриксен, Хейбьерг, Йенсен (Дамсгор, 59), Линдстрем, Брэйтуэйт (Дольберг, 59), Ольсен (Сков, 69).
Огоҳлантиришлар: Бехич (4), Дегенек (57), Сков (75).