Niderlandiya terma jamoasi himoyachisi Denzel Dyumfris JCH-2022 1/8 finalida AQSHga qarshi o‘yinda (3:1) jamoaning o‘yinini yuqori baholadi.
"Bizda juda kuchli jamoa bor va biz guruh bosqichidagidan yaxshiroq o‘ynashimiz mumkinligini bilardik. Tanqidni tushunaman, lekin bugun biz ancha yuqori o‘yin namoyish etishimizni ko‘rsatdik. Biz to‘pni yaxshi nazorat qilishimizni ko‘rsatdik. Biz ham xuddi shunday ruhda davom etishimiz kerak", - dedi Dyumfris Marca bilan suhbatda.
Shuningdek, 26 yoshli futbolchi AQSHga qarshi o‘yinda gol urgani va ikkita golli uzatma bergani haqida fikr bildirdi.
"Ha, bu Niderlandiya terma jamoasidagi eng yaxshi o‘yinlarimdan biri bo‘ldi, lekin eng muhimi biz g‘alaba qozondik. Men hissa qo‘shganimdan xursandman. Premyer-ligaga o‘tmoqchimanmi? Meni o‘ylayotgan yagona narsa – terma jamoa. Men "Inter"dek katta klubda o‘ynayman va bundan juda faxrlanaman. Men boshqa hech narsa haqida o‘ylamayman, - dedi Dyumfris.
JCH-2022 chorak finalida Niderlandiya terma jamoasi Argentina - Avstraliya uchrashuvi g‘olibi bilan o‘ynaydi.
