Bugun, 6 dekabr kuni Ispaniya va Marokash terma jamoalari o‘rtasida Qatarda bo‘lib o‘tayotgan jahon chempionati 1/8 final bosqichi uchrashuvi bo‘lib o‘tdi.
Ushbu terma jamoalar Rayan shahridagi “Eduction City” stadionida to‘qnash kelishadi. Asosiy vaqtda gol kiritilmadi, penaltilar seriyasida marokashliklar g‘alaba qozonishdi (3:0).
Marokashlik darvozabon Bono jahon chempionatida penaltilar seriyasida birorta ham gol o‘tkazib yubormagan tarixdagi ikkinchi darvozabonga aylandi: birinchisi 2006 yilda ukrainalik Aleksandr Shovkovskiy edi. 2006 yilda Germaniyada bo‘lib o‘tgan jahon chempionatida Ukraina terma jamoasi penaltilar seriyasida Shveysariyani mag‘lub etib, jahon chempionatining chorak finaliga yo‘l olgandi.
