Argentina terma jamoasi hujumchisi Lautaro Martines JCH-2022ga jarohat bilan kelganini tan oldi. Futbolchi "Inter" rahbariyatining qo‘llab-quvvatlashi haqida ham gapirdi.
"Afsuski, tizzamda og‘riq qoldiruvchi vositalardan foydalangan holda o‘ynashimga to‘g‘ri keltyapti. Bosh murabbiy va jamoadoshlarim meni doim qo‘llab-quvvatlab kelishgan. Men Simone Indzagi va “Inter” direktorlari bilan gaplashdim, ular ham qo‘llab-quvvatlaganliklari uchun minnatdorman", — dedi Martines Sportitalia bilan suhbatda.
2022 yilgi jahon chempionati Qatarda bo‘lib o‘tmoqda va 18 dekabr kuni yakunlanadi. Argentina terma jamoasi 14 dekabr kuni Toshkent vaqti bilan soat 00.00da boshlanadigan turnirning yarim finalida Xorvatiyaga qarshi maydonga tushadi.
