Аргентина терма жамоаси ҳужумчиси Лаутаро Мартинес ЖЧ-2022га жароҳат билан келганини тан олди. Футболчи "Интер" раҳбариятининг қўллаб-қувватлаши ҳақида ҳам гапирди.
"Афсуски, тиззамда оғриқ қолдирувчи воситалардан фойдаланган ҳолда ўйнашимга тўғри келтяпти. Бош мураббий ва жамоадошларим мени доим қўллаб-қувватлаб келишган. Мен Симоне Индзаги ва “Интер” директорлари билан гаплашдим, улар ҳам қўллаб-қувватлаганликлари учун миннатдорман", — деди Мартинес Sportitalia билан суҳбатда.
2022 йилги жаҳон чемпионати Қатарда бўлиб ўтмоқда ва 18 декабр куни якунланади. Аргентина терма жамоаси 14 декабрь куни Тошкент вақти билан соат 00.00да бошланадиган турнирнинг ярим финалида Хорватияга қарши майдонга тушади.
