«Барселона» ва Лионель Месси Жоан Гаспардан бир умр миннатдор бўлиши керак, дейиш мумкин. Айнан шу испаниялик тадбиркор Каталония клуби президенти лавозимида ишлаган пайтида, 2000 йилда, атиги 13 ёшда бўлган Росарио шаҳрида туғилган Мессининг «Барселона»га йўл очишига сабабчи бўлган. Қолгани эса тарих. Бироқ TyC Sports нашри хабар беришича, бу ҳолат собиқ президентнинг Каталониядаги мухлислар учун ташкил этилган подкастда кутилмаган баёнотлар беришiga тўсқинлик қилмаган.

«Футболчи сифатида Леода ҳеч қандай шубҳа йўқ. У дунёнинг энг яхши футболчиси ва фавқулодда иқтидор соҳиби. Аммо у унутмаслиги керак бўлган бир нарса бор: “Барселона” ундан ҳам буюк. Шунинг учун у эҳтиёт бўлиши керак. Унинг мухлислар билан саломлашиш учун чиқмаслиги жаҳлни чиқаради. Клуб президенти ким бўлишидан қатъи назар, буни қилиш керак. Бу албатта Лапорта бўлиши шарт эмас. Агар у Лапорта йўқ куни келганида ҳам, мен у билан учрашишга бормаган бўлардим. У ўзини ким деб ўйлаяпти?» — дея Гаспарнинг сўзларини келтиради derbyderbyderby.it.

Эслатиб ўтамиз, айни пайтда Месси Шимолий Америкада футболчилик фаолиятини давом эттирмоқда.