Madridning "Real" klubi va Xorvatiya terma jamoasi yarim himoyachisi Luka Modrich JCH-2022 yarim finalida Argentinaga qarshi o‘yindan umidlari bilan o‘rtoqlashdi.
"Messiga qarshi o‘ynashni intiqlik bilan kutyapmanmi? Yana bir yarim finalda katta jamoaga qarshi o‘ynamoqchiman. Albatta, Lionel Messi juda katta figura, u ularning eng yaxshi futbolchisi va uni to‘xtatish biz uchun juda qiyin bo‘ladi, lekin biz tayyormiz va bor kuchimizni berishga harakat qilamiz. Umid qilamanki, bu finalga chiqish uchun yetarli bo‘ladi.
Hamma katta jamoalarga e’tibor beradi, bizda esa kichik davlat, hech kim bizni jiddiy qabul qilmaydi, lekin favoritlar soyasida qolish biz uchun muammo emas" - dedi Modrich.
