Doneskning "Shaxtyor" klubi yarim himoyachisi Mixail Mudrik yanvar oyida Angliya Premyer-ligasiga o‘tishi mumkin. The Athletic jurnalisti Devid Ornshteynning fikricha, ukrainalik futbolchi "Arsenal"ning qishki mavsumdagi asosiy transfer maqsadi hisoblanadi.
Avvalroq, "Shaxtyor" direktori Dario Srna Mudrikni 100 million yevroga baholagan edi. Manbaga ko‘ra, transfer "kanonirlar"ga arzonroq narxga tushishi kerak.
Hozirda klublar o‘rtasida muzokaralar olib borilmoqda, biroq hozircha hech narsa kelishib olingani yo‘q. 21 yoshli Mudrik joriy mavsumda barcha musobaqalarda 18 o‘yinda 10 ta gol va 9 ta golli uzatmani amalga oshirdi.