Донецкнинг "Шахтёр" клуби ярим ҳимоячиси Михаил Мудрик январ ойида Англия Премьер-лигасига ўтиши мумкин. Тhe Athletic журналисти Девид Орнштейннинг фикрича, украиналик футболчи "Арсенал"нинг қишки мавсумдаги асосий трансфер мақсади ҳисобланади.
Аввалроқ, "Шахтёр" директори Дарио Срна Мудрикни 100 миллион еврога баҳолаган эди. Манбага кўра, трансфер "канонирлар"га арзонроқ нархга тушиши керак.
Ҳозирда клублар ўртасида музокаралар олиб борилмоқда, бироқ ҳозирча ҳеч нарса келишиб олингани йўқ. 21 ёшли Мудрик жорий мавсумда барча мусобақаларда 18 ўйинда 10 та гол ва 9 та голли узатмани амалга оширди.