Argentina terma jamoasi bosh murabbiyi Lionel Skaloni JCH-2022 1/2 finalida Xorvatiyaga qarshi o‘yin arafasida Niderlandiya bilan chorak final o‘yinidagi mojaro haqida gapirdi (2:2, penaltilar bo‘yicha 4:3).
"Futbolda turli lahzalar bo‘ladiki, ular keyinchalik faol muhokama qilinadi. Odil qarorlarni qabul qiladigan hakamlar bor. Lekin bir narsani aytish kerak: biz g‘alaba qozonishni ham, mag‘lubiyatni ham bilamiz. Saudiya Arabistoni bilan o‘yindan so‘ng biz xotirjamlik bilan mehmonxonaga yo‘l oldik. Hammasi hakam yakuniy hushtagini chalganda tugaydi. Biz bu masalani bir marta va butunlay yopishimiz kerak.
Qo‘shimcha vaqtlarni qo‘shish yangi va biroz chalg‘ituvchi narsadir. Hakam 10 daqiqa, keyin esa yana bir oz vaqt qo‘shadi va siz o‘yin qachon tugaganini bilmaysiz. Bu nafaqat bu yerda, balki Braziliya o‘yinida ham sodir bo‘ldi. Bu hamma uchun yangi holat, lekin men buni adolatli yoki adolatsiz deb aytmayman. Albatta, keyinchalik bu tabiiyroq bo‘ladi", - dedi Skaloni ESPN AR bilan suhbatda.
