Аргентина терма жамоаси бош мураббийи Лионель Скалони ЖЧ-2022 1/2 финалида Хорватияга қарши ўйин арафасида Нидерландия билан чорак финал ўйинидаги можаро ҳақида гапирди (2:2, пенальтилар бўйича 4:3).

"Футболда турли лаҳзалар бўладики, улар кейинчалик фаол муҳокама қилинади. Одил қарорларни қабул қиладиган ҳакамлар бор. Лекин бир нарсани айтиш керак: биз ғалаба қозонишни ҳам, мағлубиятни ҳам биламиз. Саудия Арабистони билан ўйиндан сўнг биз хотиржамлик билан меҳмонхонага йўл олдик. Ҳаммаси ҳакам якуний ҳуштагини чалганда тугайди. Биз бу масалани бир марта ва бутунлай ёпишимиз керак.

Қўшимча вақтларни қўшиш янги ва бироз чалғитувчи нарсадир. Ҳакам 10 дақиқа, кейин эса яна бир оз вақт қўшади ва сиз ўйин қачон тугаганини билмайсиз. Бу нафақат бу ерда, балки Бразилия ўйинида ҳам содир бўлди. Бу ҳамма учун янги ҳолат, лекин мен буни адолатли ёки адолатсиз деб айтмайман. Албатта, кейинчалик бу табиийроқ бўлади", - деди Скалони ESPN AR билан суҳбатда.