"Chelsi" yarim himoyachisi Meyson Maunt "Yuventus" qiziqishlari doirasida. Italiya klubi bosh murabbiyi Massimiliano Allegri 23 yoshli futbolchining o‘yiniga muxlislik qiladi va uni o‘z jamoasida ko‘rishni istaydi. Bu haqda Calciomercato xabar berdi.
Manbaga ko‘ra, "Yuventus" yarim himoyachilar Ueston Makkenni va Adriyen Rabyo bilan xayrlashishga tayyor, shuningdek, "PSJ"dan Leandro Paredesning ijara muddatini uzaytirishi dargumon.
Meyson Maunt - "Chelsi" tarbiyalanuvchisi. U jamoada 17 yildan ortiq faoliyat olib bormoqda. Joriy mavsumda Maunt jamoa safida 26 ta o‘yinda 3 ta gol urdi va 6 ta golli uzatmani amalga oshirdi. Tomonlar o‘rtasidagi kelishuv 2024 yilda yakuniga yetadi.