"Челси" ярим ҳимоячиси Мэйсон Маунт "Ювентус" қизиқишлари доирасида. Италия клуби бош мураббийи Массимилиано Аллегри 23 ёшли футболчининг ўйинига мухлислик қилади ва уни ўз жамоасида кўришни истайди. Бу ҳақда Calciomercato хабар берди.
Манбага кўра, "Ювентус" ярим ҳимоячилар Уэстон Маккенни ва Адриен Рабьо билан хайрлашишга тайёр, шунингдек, "ПСЖ"дан Леандро Паредеснинг ижара муддатини узайтириши даргумон.
Мэйсон Маунт - "Челси" тарбияланувчиси. У жамоада 17 йилдан ортиқ фаолият олиб бормоқда. Жорий мавсумда Маунт жамоа сафида 26 та ўйинда 3 та гол урди ва 6 та голли узатмани амалга оширди. Томонлар ўртасидаги келишув 2024 йилда якунига етади.
