2022 yil ham yakunlanib, 2023 yil eshik qoqmoqda. Joriy mavsum “Nasaf” futbol klubi tarixida o‘chmas iz qoldirdi desak mubolag‘a bo‘lmaydi. “Ajdarlar” 2022 yilgi futbol mavsumida OCHL guruh bosqichidan chiqib, pley-off yo‘llanmasini qo‘lga kiritdi. Superligada o‘n birinchi bor bronza medallarini hamda uchinchi bor O‘zbekiston Kubogini qo‘lga kiritdi. “Nasaf” jamoasi OCHL-2023 guruh bosqichida ham ishtirok etadi.

“Sevinch” ayollar jamoasi ham qisqa tanaffusdan so‘ng o‘z shohsupasiga qaytdi va oltin “dubl” qayd etdi. “Sevinch” jamoasi ham 2023 yilgi futbol mavsumida xalqaro maydonda to‘p suradi.

Bugun har ikkala jamoamizni joriy futbol mavsumida qo‘lga kiritgan yutuqlari e’tirof etildi. Tadbirda Qashqadaryo viloyati hokimi Murotjon Azimov, sektor rahbarlari, jamoamiz homiylari, nuroniylar va jamoa muxlislari ishtirok etishdi.