Angliya terma jamoasining 1996 yilgi Yevropa chempionati bronza medali sovrindori Alan Shirer JCH-2022 yarim finalida Fransiyaning Marokash ustidan qozonilgan 2:0 hisobidagi g‘alabasidan so‘ng Afrika terma jamoasini maqtadi.
“Marokash jamoasi nafaqat bugun, balki butun turnir davomida qilgan ishlari, qilgan harakatlari bilan juda faxrlanishi mumkin. Ularning muxlislari ajoyib vaqt o‘tkazishdi va haqiqiy zavq olishdi.
Vaqti-vaqti bilan marokashliklar Fransiyani asabiylashtirdi. Fransuzlar yana bir fazilat ko‘rsatishdi. Haqiqatan ham yaxshi o‘yin ko‘rsatmasdan, g‘alaba qozonish yo‘lini topa olishdi. Bu jamoani mag‘lub etish qiyin", - deya Shirerning so‘zlarini keltiradi BBC Sport.
Fransiya 2022 yilgi jahon chempionati finalida Argentinaga qarshi maydonga tushadi. Marokash 3-o‘rin uchun bahsda Xorvatiya bilan to‘qnash keladi.
