Fransiya terma jamoasi hujumchisi Antuan Grizmann JCH-2022 yarim finalida Marokashni mag‘lub etganidan keyin (2:0) finaldan umidlari bilan o‘rtoqlashdi.
"Leo jamoada bo‘lganida hammasi butunlay boshqacha bo‘ladi. Biz deyarli barcha o‘yinlarni ko‘rdik, argentinaliklarning qanday o‘ynashini bilamiz. Bu juda qiyin jamoa, ular ham xuddi biz kabi ajoyib formada va yaxshi kayfiyatda. Bu oson o‘yin bo‘lmaydi, ular bilan birga muxlislar ham bo‘ladi. Ertaga nima qilish mumkinligini ko‘ramiz", - deya Grizmann so‘zlarini keltirmoqda L'Equipe.
