"Yuventus" "Bavariya" yarim himoyachisi Marsel Sabitserga qiziqish bildirmoqda, deya xabar beradi Calciomercato.

Manba bergan xabarga ko‘ra, Italiya klubi rahbariyati 28 yoshli yarim himoyachini jamoani tark etishga qaror qilgan taqdirda Adriyen Rabyoning o‘rnini bosuvchi futbolchi sifatida ko‘rmoqda.

Oldinroq avstriyalik futbolchi yaqinlashib kelayotgan transfer oynasida “Bavariya”ni tark etmasligi haqida xabar berilgandi.

Sabitserning nemis klubi bilan amaldagi shartnomasi 2025 yilning yoziga qadar tuzilgan.

Yarim himoyachi joriy mavsum “Bavariya” safida 23 ta o‘yinda maydonga tushib, 1 ta gol va 1 ta golli uzatmani amalga oshirdi.