"Barselona" klubi "Seltik" himoyachisi Yosip Yuranovichga qiziqish bildirmoqda.
Sky Sports xabariga ko‘ra, 27 yoshli futbolchi o‘ng qanotda kataloniyaliklar uchun 1-raqamli nishon hisoblanadi.
Futbolchiga Premyer-liganing 2 ta klubi va "Atletiko" ham qiziqish bildirmoqda. Oldinroq xorvatiyalik futbolchiga "Manchester Yunayted" qiziqish bildirayotgani xabar qilingandi.
Yuranovich 2022 yilgi jahon chempionatida jami 6 ta o‘yinda maydonga tushdi va faqatgina Marokashga qarshi 3-o‘rin uchun o‘yinni o‘tkazib yubordi.
Futbolchining "Seltik" bilan shartnomasi 2026 yilning may oyi oxirida yakuniga etadi. Transfermarkt uni 6,5 million yevroga baholamoqda.