"Roma" bosh murabbiyi Joze Mourinyo qachon klubdagi kelajagi borasida bir qarorga kelishi ma’lum bo‘ldi.

Joze Mourinyo mavsum oxirida bir qarorga keladi. U jamoani kuchaytirish maqsadida rahbariyatdan moliyaviy sarmoya va yangi transferlarga umid qilmoqda. Mutaxassisning "Roma" bilan shartnomasi 2024 yilda yakuniga yetadi va klub murabbiy bilan tekinga xayrlashmoqchi emas.

"Roma" hujumchisi Stefan El-SHaaravi Mourinyoning klubda qolishiga ishonchi komil. "Hamma Mourinyoning "Roma"da uzoq muddat qolishidan umidvor. U bor e’tiborini “Roma”ga qaratgan va biz barchamiz mashg‘ulotlarga e’tibor qaratganmiz. U katta qalbli odam va men uning qolishiga ishonchim komil", — dedi futbolchi La Gazzetta dello Sport bergan intervyusida.

Avvalroq Joze Mourinyo Portugaliya terma jamoasini boshqarishi mumkinligi haqida xabar berilgandi.