"Рома" бош мураббийи Жозе Моуриньо қачон клубдаги келажаги борасида бир қарорга келиши маълум бўлди.
Жозе Моуриньо мавсум охирида бир қарорга келади. У жамоани кучайтириш мақсадида раҳбариятдан молиявий сармоя ва янги трансферларга умид қилмоқда. Мутахассиснинг "Рома" билан шартномаси 2024 йилда якунига етади ва клуб мураббий билан текинга хайрлашмоқчи эмас.
"Рома" ҳужумчиси Стефан Эл-Шаарави Моуриньонинг клубда қолишига ишончи комил. "Ҳамма Моуриньонинг "Рома"да узоқ муддат қолишидан умидвор. У бор эътиборини “Рома”га қаратган ва биз барчамиз машғулотларга эътибор қаратганмиз. У катта қалбли одам ва мен унинг қолишига ишончим комил", — деди футболчи La Gazzetta dello Sport берган интервьюсида.
Аввалроқ Жозе Моуриньо Португалия терма жамоасини бошқариши мумкинлиги ҳақида хабар берилганди.
