"Benfika" himoyachisi Nikolas Otamendiga "Atletiko Madrid" va "Sevilya" klublari qiziqish bildirmoqda, deb xabar beradi AS.
34 yoshli argentinalik futbolchining Portugaliya klubi bilan shartnomasi shu yilning yozida yakuniga yetadi. Shu bois ispan jamoalari futbolchini erkin agent sifatida qo‘lga kiritish niyatida.
Otamendi joriy mavsumda “Benfika” safida 23 ta o‘yinda maydonga tushib, 1 ta gol urgan.
Argentina terma jamoasi tarkibida u Qatarda bo‘lib o‘tgan 2022 yilgi jahon chempionatida 7 ta o‘yindan maydonga tushgan va turnirda g‘alaba qozongan.