Dortmundning "Borussiya" klubi va Angliya terma jamoasi yarim himoyachisi Jud Bellingem faoliyatini davom ettirish uchun ustuvor variant haqida qaror qabul qildi.
AS nashrining xabariga ko‘ra, 19 yoshli futbolchi "Real"ga o‘tmoqchi.
O‘z navbatida, "qirollik" klubi ham Bellingem bilan hamkorlik qilishdan manfaatdor va kelasi yozda u bilan shartnoma imzolashga tayyor. Potensial transfer summasi 120 million yevroga baholanmoqda.
2022/2023 yilgi mavsumda Jud "Borussiya" tarkibida 22 ta o‘yinda qatnashib, 9 ta gol va 3 ta golli uzatmani amalga oshirdi. Qatardagi jahon chempionatida yarim himoyachi beshta o‘yin o‘tkazib, bitta gol urdi va bitta golli uzatmani amalga oshirdi.
