Дортмунднинг "Боруссия" клуби ва Англия терма жамоаси ярим ҳимоячиси Жуд Беллингем фаолиятини давом эттириш учун устувор вариант ҳақида қарор қабул қилди.
AS нашрининг хабарига кўра, 19 ёшли футболчи "Реал"га ўтмоқчи.
Ўз навбатида, "қироллик" клуби ҳам Беллингем билан ҳамкорлик қилишдан манфаатдор ва келаси ёзда у билан шартнома имзолашга тайёр. Потенциал трансфер суммаси 120 миллион еврога баҳоланмоқда.
2022/2023 йилги мавсумда Жуд "Боруссия" таркибида 22 та ўйинда қатнашиб, 9 та гол ва 3 та голли узатмани амалга оширди. Қатардаги жаҳон чемпионатида ярим ҳимоячи бешта ўйин ўтказиб, битта гол урди ва битта голли узатмани амалга оширди.
