"Манчестер Юнайтед" ҳужумчиси Маркус Рэшфорд Туркиянинг "Галатасарай" клубига ўтиши мумкин. Бу ҳақда журналист Экрем Конур хабар бермоқда.
Манбага кўра, ўтган мавсумни "Барселона"да ижара асосида ўтказган Рэшфорд "Галатасарой"нинг нишонига тушган. Футболчининг устувор мақсади ҳозирча "Барселона" бўлиб қолмоқда, аммо каталонияликлар ҳали уни сотиб олиш бўйича якуний қарорга келишмади. "Кўк-анорранглилар"да футболчини 30 миллион евро эвазига сотиб олиш ҳуқуқини фаоллаштириш учун 15 июнга қадар вақт бор.
Ўтган мавсумда Рэшфорд "Барселона" таркибида 49 та ўйинда майдонга тушиб, рақиблар дарвозасини 14 марта ишғол қилди ва 14 та голли узатмага муаллифлик қилди.













