«Barselona» vingeri Rafinya Dias hozircha murabbiylar shtabi va rahbariyatni o‘z o‘yini bilan hayratda qoldira olmadi.
Braziliyalik futbolchi o‘tgan yozda Angliyaning «Lids» jamoasidan 58 million yevro evaziga «ko‘k-anorranglilar» safiga qo‘shildi, ammo hozircha umidlarni oqlamadi. Sport xabariga ko‘ra, «Barselona» mashg‘ulotlarda zo‘r bo‘lgan Rafinyaning o‘yin vaqtida nima uchun yomonroq ko‘rinishini tushunmayapti. Klub 26 yoshli futbolchining kelajagi Xavi jamoasida emasligini taxmin qilmoqda.
Rafinya Dias joriy mavsum boshidan buyon kataloniyaliklar safida 18 ta o‘yinda maydonga tushib, 2 ta gol va 4 ta golli uzatmaga mualliflik qilgan.
