«Барселона» вингери Рафинья Диас ҳозирча мураббийлар штаби ва раҳбариятни ўз ўйини билан ҳайратда қолдира олмади.

Бразилиялик футболчи ўтган ёзда Англиянинг «Лидс» жамоасидан 58 миллион евро эвазига «кўк-анорранглилар» сафига қўшилди, аммо ҳозирча умидларни оқламади. Sport хабарига кўра, «Барселона» машғулотларда зўр бўлган Рафиньянинг ўйин вақтида нима учун ёмонроқ кўринишини тушунмаяпти. Клуб 26 ёшли футболчининг келажаги Хави жамоасида эмаслигини тахмин қилмоқда.

Рафинья Диас жорий мавсум бошидан буён каталонияликлар сафида 18 та ўйинда майдонга тушиб, 2 та гол ва 4 та голли узатмага муаллифлик қилган.