Pep Gvardiola va "Manchester Siti" rahbariyati Jud Bellingem uchun kurashga kiradi. Ammo bu yo‘lda ularga oson bo‘lmaydi. Negaki, 100 million funtga baholangan yarim himoyachiga "Real" ham da’vogarlik qila boshlagani haqida ma’lumotlar mavjud. "Shaharliklar" esa Bellingem Gvardiola bilan ishlash uchun boshqa takliflardan voz kechadi deb o‘ylaydi. 19 yoshli futbolchi sayyoramizning eng katta klublari tomonidan nishonga olingan. Ular ichida "Chelsi", "PSJ", "MYU" va "Liverpul" bor.

"Liverpul" futbolchilari Trent Aleksander-Arnold va Xenderson Jahon chempionati davrida Bellingemni mersisaydga keltirishga harakat qilib ko‘rgandi. Sobiq "Birmingem Siti" futbolchisi Klopp tomonidan 1 yildan ortiq vaqt davomida transfer rejalari doirasida bo‘lib kelmoqda. Bu haqida Kloppning o‘zi shunday deydi: "Mendan Bellingem haqida so‘ramanglar. Bu yanvarda? Sport odami sifatida doimo kurashga tayyorman. Ammo birovni nomidan gapira olmayman. Hammasini vaqt ko‘rsatadi".

Bellingem o‘zining keyingi manzilini tanlashda pul omilidan ko‘ra futbolni afzal ko‘radi degan qarash mavjud. Ammo u uchun har ikkalasini birlashmasi sifatida, "Manchester Siti" yaxshi variant. U yerda yaxshi haq to‘lashadi. Qolaversa, o‘zining eski do‘sti bo‘lgan Erling Xolandga yana sherik bo‘ladi. Hozirda Bellingem 130 million funtga baholangan. Ammo "BVB" uni 83 million funtga ham qo‘yib yuborishi mumkin. Bu uchun pulni oldindan to‘laydigan xaridor chiqishi kerak. Gvardiola esa rahbariyatga buni tushuntirishi lozim. Chunki kelajakda Bellingem Gyundogan va Silvaga yaxshi o‘rinbosar bo‘la oladi.

ISMATOV J.