90min.com xabariga ko‘ra N'Golo Konte faoliyatini yakunlashi mumkin. Chelsi yarim himoyachisi avgust oyidan beri maydonga tushmadi. 31 yoshli futbolchining orqa son qismidagi jarohati bor va u yana bir necha oy maydonga tusha olmaydi.

Fransiya terma jamoasining sobiq futbolchisi Frank Lebyofning aytishicha, 31 yoshli futbolchi hattoki faoliyatini yakunlashi ham mumkin.

«Chelsi» bosh murabbiyi Grem Potter takidlashicha, Kante eng kamida fevral oyi oxirigacha, ehtimol hatto martgacha ham maydonga tushmasligi mumkin. Yarim himoyachi son mushaklaridagi muammolar bilan kurashishda davom etmoqda.

Mavsumdan keyin Kantening kelajagi mavhumligicha qolmoqda. 2018 yilgi jahon chempionining shartnomasi yozda tugashi munosabati bilan u «ko‘k-anorranglilar»ni tekinga tark etishi mumkin.

Fransiyaning sobiq futbolchisi va hozirgi teleeksperti Frank Lebyof yaqinda beran intervyusida shunday dedi: «Men uning jismoniy tayyorgarligi haqida gapirmadim, lekin u faoliyatini yakunlash arafasida bo‘lishi mumkin. Faoliyatni o‘z vaqtida yakunlash ham mashhurlikning bir qismidir va siz faoliyatingizni yakunlash uchun to‘g‘ri vaqtni topishingiz kerak».

Kante 2016 yilda «Lester Siti» bilan APL dagi shov-shuvli g‘alabasidan so‘ng «Chelsi»ga 35,8 million yevro evaziga o‘tgan va shundan beri «ko‘klar» safida 262 o‘yin o‘tkazgan va bir marta APL, Chempionlar ligasi, Yevropa ligasi va klublar o‘rtasidagi jahon chempionatida g‘olib chiqqan.