"Aston Villa" qishki transfer oynasida yarim himoyachi Filippe Koutinyoni qo‘yib yuborishga tayyor, deb xabar beradi Daily Mail.
Joriy mavsumda 30 yoshli braziliyalik futbolchi asosiy tarkibda bor yo‘g‘i 6ta o‘yinda maydonga tushdi va Premyer-ligada birorta ham samarali harakat qilmadi.
Shu bilan birga, Koutinyo "Villa" safida katta maosh olishda davom etmoqda va jamoaning yangi bosh murabbiyi Unai Emeri bunday qimmat futbolchini saqlab qolishdan foyda ko‘rmayapti.
Uning klub bilan shartnomasi 2025 yilgacha mo‘ljallangan. Transfermarkt portali futbolchining narxini 18 million yevroga baholamoqda.